John 18

Ukubotshwa kukaJesu

1UJesu esekhulumile lezizinto waphuma kanye labafundi bakhe ^awaya ngaphetsheya kwesifudlana iKidroni ^b, lapho okwakukhona isivande, angena kuso yena labafundi bakhe ^c.

2Njalo uJudasi laye, owamnikelayo, wayeyazi lindawo ^d; ngoba uJesu wayebuthana khona labafundi bakhe kanengi ^e. 3Ngakho uJudasi, esethethe ^f isigaba samabutho ^g, labancedisi abavela kubapristi abakhulu labaFarisi ^h, waya khona belezibane lamalambi lezikhali ⁱ. 4Kwathi uJesu, ekwazi konke okwakuzamehlela, waphuma wathi kubo: Lidinga bani ^j? 5Bamphendula bathi: UJesu weNazaretha. UJesu wathi kubo: Mina nginguye. LoJudasi owamnikelayo laye wayemi labo. 6Ngakho kuthe esithi kubo: Mina nginguye; bahlehla nyovane, bawela phansi. 7Wasephinda wababuza wathi: Lidinga bani? Basebesithi: UJesu weNazaretha. 8UJesu waphendula wathi: Ngilitshelile ukuthi mina nginguye; ngakho uba lidinga mina, yekelani laba bahambe; 9ukuze ligcwaliseke ilizwi ayelikhulumile elokuthi: Kulabo owanginika bona, angilahlekelwanga lamunye wabo ^k. 10Kwathi uSimoni Petro elenkemba wayihwatsha, wagadla inceku yompristi omkhulu, waquma indlebe yayo yokunene. Lebizo lenceku lalinguMalikusi. 11UJesu wasesithi kuPetro: Faka inkemba yakho esikhwameni; inkezo uBaba anginike yona, kangiyikuyinatha yini ^l?

12Ngakho isigaba ^{m , n} samabutho lenduna ^o labancedisi bamaJuda bambamba uJesu ^p, bambopha, 13basebemusa ^q kuqala kuAnasi ^r; ngoba wayenguyisezala kaKayafasi ^s, owayengumpristi omkhulu ngalowomnyaka ^t. 14Kwakunguye uKayafasi owayecebise amaJuda, ukuthi kwakulungile ukuthi umuntu oyedwa afele isizwe ^u.

UPetro ulandula uJesu. Ukuthethwa kwecala likaJesu

15USimoni Petro wasemlandela uJesu ^v, lomunye umfundi. Lalowomfundi wayesaziwa ngumpristi omkhulu, wangena loJesu egumeni lompristi omkhulu ^w; 16kodwa uPetro wayemi ngaphandle emnyango ^x. Wasephuma lowomfundi omunye owayesaziwa ngumpristi omkhulu, wasekhuluma lomlindisangokazi, wamngenisa uPetro ^y. 17Incekukazi encane engumlindisango yasisithi kuPetro: Kawusuye lawe omunye wabafundi balumuntu yini? Yena wathi: Kangisuye ^z. 18Njalo izinceku labancedisi ^aa babemi bebase umlilo wamalahle, ngoba kwakumakhaza ^ab, njalo besotha; uPetro laye wayemi labo esotha.

19Umpristi omkhulu wasembuza uJesu ngabafundi bakhe, langemfundiso yakhe ^ac. 20UJesu wamphendula wathi: Mina ngikhulume obala emhlabeni ^ad; ngezikhathi zonke mina bengifundisa esinagogeni ^ae lethempelini ^af, lapho amaJuda abuthana khona ngesikhathi sonke, njalo kangikhulumanga lutho ensitha ^ag. 21Ubuzelani kimi? Buza labo abakuzwayo lokho engakukhuluma labo ^ah; khangela, bona bayazazi izinto mina engazitshoyo ^ai. 22Kwathi esetshilo lezizinto, omunye wabancedisi ^aj owayemi khona wamwakala ▼

▼ wamwakala: kumbe,  wamtshaya ngenduku.

uJesu ^al, esithi: Kanti uphendula njalo umpristi omkhulu ^am? 23UJesu wamphendula wathi: Uba ngikhulume kubi, fakaza ngobubi; kodwa uba kuhle, ungitshayelani? 24UAnasi wasemthuma ebotshiwe kuKayafasi umpristi omkhulu ^an.

25Kodwa uSimoni Petro wayemi esotha ^ao; basebesithi kuye: Kawusuye lawe omunye wabafundi bakhe yini? Waphika yena, wathi: Kangisuye ^ap. 26Omunye wezinceku zompristi omkhulu, oyisinini somuntu uPetro aquma indlebe yakhe ^aq, wathi: Mina kangikubonanga yini esivandeni ulaye? 27UPetro wasebuya ephika; njalo lahle lakhala iqhude ^ar.

UJesu uphambi kukaPilatu

28Basebemkhupha uJesu ^as kuKayafasi bamusa endlini yombusi ^at; njalo kwakusekuseni, kodwa kabangenanga bona endlini yombusi, ukuze bangangcoli ^au, kodwa ukuze badle iphasika ^av.

29Ngakho uPilatu waphumela kubo, wathi: Limbeka cala bani lumuntu ^aw? 30Basebephendula bathi kuye: Uba lo ubengesuye owenza okubi ^ax, ngabe kasimnikelanga kuwe. 31UPilatu wasesithi kubo: Mthatheni lina, limahlulele njengomlayo wakini ^ay. Ngakho amaJuda athi kuye: Kakuvunyelwa kithi ukubulala umuntu; 32ukuze kugcwaliseke ilizwi uJesu alikhulumayo, ukutshengisa uhlobo lokufa ayezakufa ngalo ^az.

33Ngakho uPilatu wabuye wangena endlini yombusi, wambiza uJesu, wathi kuye: Wena uyiNkosi yamaJuda yini ^ba? 34UJesu wamphendula wathi: Uyazitsholo lokhu wena yini, kumbe abanye bakutshelile ngami? 35UPilatu waphendula wathi: Kanti ngingumJuda mina? Isizwe sakini labapristi abakhulu bakunikele kimi; wenzeni? 36UJesu waphendula wathi: Umbuso wami ^bb kawusiwo walumhlaba ^bc; uba umbuso wami ubungowalumhlaba ^bd, inceku zami ^be bezizakulwa ^bf, ukuze nginganikelwa kumaJuda ^bg; kodwa khathesi umbuso wami kawusiwo owalapha. 37UPilatu wasesithi kuye: Ngakho uyinkosi yini? UJesu waphendula wathi: Uyatsho wena, ukuthi mina ngiyinkosi ^bh. Mina ngazalelwa lokhu, njalo ngizele lokhu emhlabeni ^bi, ukuze ngifakazele ^bj iqiniso ^bk. Wonke oweqiniso uyalizwa ilizwi lami ^bl. 38UPilatu wathi kuye: Liyini iqiniso?

Kwathi esetshilo lokhu, wabuya waphumela kumaJuda ^bm, wathi kuwo: Mina kangitholi lacala kuye ^bn. 39Kodwa lilomkhuba, wokuthi ngilikhululele omunye ngephasika; ngakho liyathanda ukuthi ngilikhululele iNkosi yamaJuda yini ^bo? 40Wonke asememeza futhi ^bp, athi: Hatshi lo, kodwa uBarabasi ^bq; kodwa uBarabasi wayengumphangi ^br.